(1966 ж.т. Ырғыз  ауд., «Тәуіп» кеңшары,   Жайсаңбай а.) - әнші. «Азия даусы» халықаралық фестивалінің жүлдегері. 1983 жылы Ақтөбе педучилищесінің музыка бөлімін, Абай атындағы Қазақ педагогикалық   институтының музыка факультетін бітірген. Мәскеуде әскери борышын өтеп жүрген кезінде, Рязаньда, Владимирде, Горькийде өткен байқауларда лауреат атанады. Комсомол (қазіргі Әйтеке би) ауданында музыка мектебінің мұғалімі, директоры болып жұмыс істеп жүріп, «Наурыз» ансамблін ұйымдастырып, облыстық байқауда бас жүлдені  жеңіп алған. 1995 жылы Батыс Қазақстан аймақтық конкурсында бас жүлдені   иеленген. 1996 жылы «Жас қанат» республикалық әншілер байқауында дипломант, 1997 жылы эстрадалық әндер бойынша Бүкілресейлік Еуразия конкурсында екінші лауреат жүлдесін иеленген. 2002 жылы халықаралық «Азия дауысы» фестивалінде жүлдегер болды. 2003 жылы Болгарияда өткен дәстүрлі «Алтын орфей» байқауына қатысып, үшінші дәрежелі лауреат ең үздік әнші   дипломын жеңіп алды. Ақтөбе облыстық Ғазиза Жұбанова атындағы филармонияда, Алматыда Қорғаныс министрлігінің үлкен симфония оркестрінде әншілік қызмет атқарды.