Ізғарин Қадіржан Іскендірұлы 1946 жылы 20 наурызда Ойыл ауданында дүниеге келген. 1978 жылы Ақтөбе педагогикалық институтын бітірген. Ауыр атлетикадан КСРО спорт шебері. 1968-1973 ж Ойыл ауданы Ойыл кеңшарында спорт жөніндегі нұсқаушы, Ақтөбе спорт кешенінің директоры, облыстық оқу бөлімі жанындағы балалар мен жасөспірімдер спорт мектебінің директоры, облыстық спорт комитетінің төрағасы. 1986 жылдан Ақтөбе политехникалық колледжінде оқытушы. 1976 жылы ауыр атлетикадан 67,5 кг салмақ дәрежесі бойынша республика чемпионы. Болгарияның Варна қаласы чемпионатында қола жүлдегері. Дене шынықтыру мен спортты дамытудағы еңбегі үшін (1994) Құрмет белгісімен, Республика білім беру ісінің үздігі (1995) белгісімен марапатталаған.