Облыс әкімі   Ақтөбе қаласындағы оңтүстік айналма жолдың  құрылысымен танысты. Екінші техникалық санаттағы жалпы ұзындығы 25 шақырымдық бұл жолдың қайта жөндеу құны —  4 миллиард теңге шамасында. Бұл жобаны жүзеге асырудың нәтижесінде облыс орталығында транзитті транспорттардың кедергісіз жүруіне мүмкіндік туады.

Облыс әкімі баспасөз қызметінің мәліметінше, сондай-ақ Бердібек Сапарбаев Қобыланды батыр атындағы орталық стадионда «Туған жер» республикалық жерлестер форумына дайындық жұмыстарымен танысты.  Естеріңізге сала кетсек, 28-29 қыркүйекте облыста «Рухани жаңғыру» бағдарламасы аясында «Туған жер» республикалық жерлестер форумы өтеді. Форумға әлемнің 20 елінен 300-ге тарта жерлесіміз қатысады деп күтілуде.

Мақала Ақтөбе газетінің ресми сайтынан алынды.

Сілтеме: http://www.aktobegazeti.kz/?p=58471

Автор: Жанна ДӘУЛЕТҚЫЗЫ