25 мамыр күні №17 мектеп гимназиясында соңғы қоңырау мерекесі өтті.

Мерекелік шараның негізгі кейіпкерлері 106 түлек пен олардың ұстаздары болды. Мереке түлектердің салтанатты шығуымен және мемлекеттік тудың көтерілуімен, әнұранның орындалуымен басталды. Мерекелі шараның негізгі қонақтары облыстық мәслихаттың хатшысы Сәния Мұсақызы Қалдығұлова және Ақтөбе қаласы әкімі аппаратының басшысының міндетін атқарушы Зине Жұман Жүсіпұлы болды. Түлектерге көптеген тілектер айтылды, ен бастысы алдағы сынақтан сүрінбей өту және мектептерін, ұстаздарын, сыныптастарын ұмытпау болды. Мектеп түлектері флешмоб ұйымдастырып, ауаға шар ұшырды. Соңғы қоңырау мерекесі жоғары деңгейде өтті.